Wee sinn ech?

Wat maachen ech gär?

dobaussen Zäit verbréngen
mat mengem Hond spazéiere goen
Mountainbike fueren
Zäit mat menger Famill verbréngen
Beweegung all méiglecher Art
liesen

Wee sinn ech?

Moien, ech sinn d’Kina.
No méi wéi 10 Joer als Responsabel an engem Jugendhaus, hunn ech de Schratt an d’Selbststännegkeet gewot – fir endlech meng Passioun fir d’Natur an d’Aarbecht mat de Mënschen ze verbannen.
Mat SaMo organiséieren ech eng ganz Rei u flotte Fräizäitaktivitéiten an der Natur – fir Grouss a Kleng. Mäin Häerz schléit dofir, d’Leit erëm méi mat der Natur ze verbannen, se erauszehuelen aus dem Alldag an hinnen déi kleng (a grouss) Wonner vum natierleche Liewensraum no ze bréngen.

Meng Formatiounen

Educatrice graduée (2014 – Bachelor of Arts – Bildung und Erziehung in der Kindheit)
Wildnispädagogin (en form. seit 2025)
Ernährungsberoderin (2025)
Ernährungs-a Beweegungspädagog (en form. set 2024)

Koppelzäit an der Natur

🌿 Zäit fir Iech Zwee – Eng Naturerfarung fir Koppelen

Entdeckt eng speziell Aktivitéit fir Koppelen, déi sech nohalteg wëllen verbonnen a verstanen fillen – am Häerz vun der Natur. Gitt eraus aus dem Alldag a fuert erëm zréck bei Iech selwer – a beieneen.

Wat erwaart Iech?

Aktivitéiten an der fräier Natur, déi zesumme Spaass maachen
Momenter fir roueg Gespréicher an nei Verbindungen
Entspanung an engem gemittleche, wonnerbar natierleche Kader

Dës Erfarung ass fir all Koppel, déi hir Bezéiung verdéiwe wëll – mat Zäit, Rou an Opmierksamkeet.

Datum:

Samschdes, den 12. Juli

vun 10.00 bis 12.00

zu Tënten (Helperknapp)

Präiss:

40€ / Koppel

Kannergebuertsdag

E Gebuertsdag voller Naturerliefnisser!

Sichs Du no enger spezieller Iddi fir e Kannergebuertsdag, deen d’Kanner nach laang am Kapp behalen? Da bass Du bei SaMo genee richteg!

Hei feiere mir de Gebuertsdag an der Natur – eppes ganz Besonnesches fir Kanner vu 4 bis 12 Joer. Mat vill Freed um Entdecken, kreatiivt Schaffen an Naturhandwierk ginn d’Kanner op eng Rees duerch d’Natur geschéckt, wou et allerhand Spannendes z’erliewe gëtt.

Wat erwaart d’Kanner?

– pädagogesch Spiller, Entdeckungen an Aktivitéiten an der frëscher Loft
– Kreatiivt Schaffen mat Naturmaterialien
– Naturhandwierk fir selwer eppes mat Heem ze huelen
– Eng Zäit voller Spaass, Fantasie a Beweegung

– Bei spezielle Wënsch bezüglech der Aktivitéit kënnt dir mech gär kontaktéieren

Präiss:

200€ fir 2 Stonnen

Maximum 6 Kanner

Kënnt eng erwuesse Persoun mat Opsichtspflicht mat, kënne maximum 8 Kanner un der Aktivitéit deelhuelen.

Maach aus dengem Gebuertsdag e flott Erliefnis an der Natur, wous du net just Spass hues, mee och eppes léiers an dech fräi entfalte kanns!

Fro elo däi Wonschdatum un – ech freeë mech op dech!

Mir ginn eis op de Geescht

🌿 Zäit fireneen – eng kreativ Naturerfarung fir Jugendlecher & Elteren

Sidd Dir prett fir eng Auszäit vum Alldag? Entdeckt zesumme mat ärem Kand d’Freed un der Natur – an d’Kraaft vum zesumme Schaffen!

Egal ob Mamm, Papp oder eng aner wichteg Persoun am Liewe vum Kand – dëst ass är Geleeënheet, eppes Besonnesches zesummen z’erliewen!

Wat erwaart Iech?

Gemeinsam schnëtzen, bauen, bastelen – mat Holz, Naturmaterialien a vill Fantasie.
Aktivitéiten an der frëscher Loft, déi Kreativitéit, Teamwork a Spaass verbannen.
Eng gemittlech a lëschteg Ambiance, wou Bezéiunge verdéift ginn an nei Saachen entstinn.

Fir wien?

Jugendlecher tëschent 12 a 16 Joer & eng erwuesse Begleetpersoun

Wéini & Wou?

Dënschdes, den 1te Juli

vu 17.00-19.00

zu Tënten (Helperknapp)

Präiss:

40€