Formatiounen fir den non-formale Secteur
Beschreiwung an Umeldung
Warum sollten Sie sich einschreiben?
An dëser Formatioun kriss du konkret, Iddien ugebueden, fir mat de Kanner dobausse aktiv ze ginn: Kräider entdecken, ee klenge Gaart uleeën, mat Naturmaterialien bastelen oder Déierspure fannen. Du léiers, wéi’s du d’Natur mat alle Sënner erliewe kanns a wéi’s de d’Kanner dozou inspiréiers, d’Ëmwelt mat Freed, Virwëtz a Respekt ze entdecken. Mat einfache, prakteschen Aktivitéiten hues du dono vill frësch Iddien fir den Alldag.
Nach dieser Fortbildung, sind Sie in der Lage :
Konkret Spiller & Aktivitéiten dobaussen
Ideeë wéi een d’Kanner beim Naturerliewe begleeden a sensibiliséieren kann
d’Naturmaterialien kreativ notzen – d’Déierewelt mat de Kanner entdecken
d’Wichtegkeet vun eise 5 Sënner an der Natur erkennen
Methoden
kuerz Theoriedeeler
Gruppenaarbechten
Gruppespiller, -übungen, -atelieren
Austausch, Diskussiounen
Reflexioun
Sonstiges
D’Formatioun fënnt, och bei schlechtem Wieder, zu engem groussen Deel dobausse statt. Wiederugepasste Kleeder sinn e Muss.
Beschreiwung an Umeldung
Warum sollten Sie sich einschreiben?
Dës Formatioun bréngt iech praktesch Iddien, wéi Kanner sech dobausse mat Freed beweege kënnen – spontan, ouni grouss Virbereedung oder Material. Dir entdeckt Spiller, Übungen an nei Perspektiven op d’Natur. Mir kucken zesumme wat Kanner brauche, fir sech dobausse wuel ze fillen, a wéi dir dorop agoe kënnt. Beweegung, Entdeckung a Spaass stinn am Mëttelpunkt!
Nach dieser Fortbildung, sind Sie in der Lage:
spontan Aktivitéiten an der Natur unzebidden
d’Natur bewosst ze notzen
op d’Besoinen vun de Kanner anzegoen
Naturaktivitéiten an den Alldag vun ärer Maison Relais ze intégréieren
wësse wéi d’Natur d’Entwécklung vum Kand op ville Niveauen ënnerstëtzt
Methoden:
kuerz Theoriedeeler
Gruppenaarbechten
Austausch / Diskussiounen
Praxisübungen, -spiller, – Aktivitéiten
Reflexioun
Sonstiges:
D’Formatioun fënnt, och bei schlechtem Wieder, zu engem groussen Deel dobausse statt. Wiederugepasste Kleeder an fest Schung sinn e Muss.
Beschreiwung an Umeldung
Warum sollten Sie sich einschreiben?
D’ Natur bitt Kanner villfälteg Méiglechkeete fir d’Léieren, d’Entwécklung an eng fräi Beweegung. An dëser Formatioun entdecke mir, wéi déi natierlech Ëmwelt gezilt fir d’Motorik, d’Sënneserfarung, d’Konzentratioun an d’sozial Kompetenzen genotzt ka ginn. Dir léiert, eng inspiréierend a natierlech Léierëmwelt ze schafen, déi d’Kand a senger Entwécklung ganzheetlech ënnerstëtzt D’Zil ass et, d’Verbindung tëschent Kand an Natur ze stäerken an d’Motorik, Kreativitéit an d’Sënner op spilleresch Aart ze fërderen.
Nach dieser Fortbildung, sind Sie in der Lage :
Motorikfërderung duerch natierlech Beweegungsaktivitéiten
Ideeë fir Spiller a Bewegungsparcours mat Naturmaterialien
Kreativ bauen a bastele mat Naturmaterial
Kanner op eng natierlech Aart a Weis begleeden a fërderen
D’Natur als Spill- a Léierraum kennen an notzen
Methoden
kuerzen theoreteschen Input
Gruppenaustausch – Gruppenaarbechten
Praktesch Übungen, Spiller, Atelieren,…
Reflexioun
Sonstiges
D’Formatioun fënnt, och bei schlechtem Wieder, zu engem groussen Deel dobausse statt.
Wiederugepasste Kleeder a fest Schung sinn e Muss.
Beschreiwung an Umeldung
Warum sollten Sie sich einschreiben?
Dës Formatioun vermëttelt praktesch Iddien a Spiller, déi d’Kanner am Fräien erliewe kënnen – an dat mat engem Fokus op de plurilinguellen Aspekt. D’Zil ass et, d’Natur nei ze entdecken, natierlecht Material kreativ ze notzen a Sproochen op eng spilleresch Aart an d’Ëmweltaktivitéiten anzebannen. Mir stäerken d’Sproochentwécklung, d’Verbindung zur Natur an d’Kreativitéit vun de Kanner.
Nach dieser Fortbildung sind Sie in der Lage :
D’Méisproochegkeet gezilt an Alldagsaktivitéite mat abannen
Kanner an hirem natierleche Sproocheräichtum valoriséieren
D’Natur als léierräichen Entwécklungsraum verstoen
Methodesch Tools a Spiller kennen
Wësse wéi d’Natur d’Entwécklung vum Kand op ville Niveauen ënnerstëtzt
Methoden
Kuerz Theorie-Momenter, Praktesch Spiller, Übungen, Atelieren… (learning by doing), Geschichten erzielen, Gruppenaarbechten an –austausch, Reflexioun…
Sonstiges
D’Formatioun fënnt, och bei schlechtem Wieder statt, zu engem groussen Deel dobausse statt. Wiederugepasste Kleeder sinn e Muss.
Beschreiwung an Umeldung
Beschreibung
Dës Formatioun riicht sech un d’pädagogescht Personal aus dem secteur enfance, dat interesséiert ass, Beweegung an der Natur op eng inklusiv Aart a Weis an den Alldag vun de Kanner anzebannen. Zesumme exploréiere mir, wéi natierlech Raim (Wisen, Bëscher, Gäert) e wäertvolle Raum bidden, fir Kanner a Beweegung ze bréngen – onofhängeg vun hirem Entwécklungsniveau oder hiren individuelle Besoinen. D’Participanten erliewen praxisno Aktivitéiten, déi flexibel adaptéierbar sinn a motivéiere fir Beweegung, Entdeckung, Zesummenhalt an Autonomie. Zentral Froe sinn:
Wéi kann ech d’Natur esou gestalten, dass all Kand matmaache kann?
Wéi reagéieren ech flexibel op motoresch oder sensoriell Bedierfnesser?
Wéi fërderen ech inklusiv Beweegungsspiller mat einfache Mëttelen?
D’Formatioun bitt inspiréierend Methoden, Beispiller aus der Praxis an d’Geleeënheet, selwer Aktivitéiten am Grupp ze entdecken an ze reflektéieren. Zil ass et, Freed u Bewegung a Verbindung mat der Natur fir all Kand zougänglech ze maachen – duerch een oppene Bléck, Kreativitéit a pädagogesch Intuition.
Beschreibung
kleng Theorie-Phasen
Gruppenaarbechten (Planung an Emsetzung vun enger kuerzer Aktivitéit)
praktesch Emsetzung vu Spiller, Übungen a Methoden
Gruppendiskussiounen/ Austausch
Ziele
Verstoen, wéi Natur a Beweegung eng wichteg Roll an der Entwécklung vu Kanner spillen.
Gespier hu fir d’Bedierfnesser vu Kanner mat ënnerschiddleche Fäegkeeten am Kontext vuBewegung an Outdoor-Aktivitéiten.
Iwwerleeunge maachen, wéi een natierlech Raim inklusiv notze kann.
Beschreiwung an Umeldung
Warum sollten Sie sich einschreiben?
Dës Formatioun bréngt dir Inspiratioun fir d’Natur bewosst an aktiv an däin Alldag anzebannen. Mat ville praktesche Beispiller, Spiller a kreativen Iddien, entdecke mir wéi Kanner sech dobausse bewege, léiere, spillen a staark Bezéiunge mat der Natur opbauen. Mir léieren Naturmaterialien kreativ ze notzen an d’Ëmwelt mat alle Sënner z’erfuerschen.
Nach dieser Fortbildung, sind Sie in der Lage :
déi nei Verbindung zur Natur bewosst an de Crèchenalldag integréieren
spontan, mat den Naturmaterialie schaffen (ouni grouss Virbereedung)
wësse wéi d’Natur d’Entwécklung vum Kand op ville Niveauen ënnerstëtzt
Repertoire u Spiller/Aktivitéiten
Naturraum als Léierraum notzen
Methoden
kleng Theorie-Inputs
Praktesch Spiller, Übungen, Atelieren…
Gruppenaarbechten
Gruppenaustausch
Reflexioun
Sonstiges
D’Formatioun fënnt, och bei schlechtem Wieder, zu engem groussen Deel dobausse statt. Wiederugepasste Kleeder sinn e Muss.
Beschreiwung an Umeldung
Beschreibung
Dës Formatioun riicht sech un d’edukativt Personal aus dem Jugendsecteur, dat no kreative Weeër sicht, fir Jugendlecher fir Natur- a Beweegungsaktivitéiten ze begeeschteren. Zesumme gi mir op d’Fro an: Wéi kréie mir déi Jonk motivéiert, fir aktiv un Outdoor-Aktivitéiten deelzehuelen? Nieft praktesche Beispiller an Iddien, wéi een den Outdoor-Bereich attraktiv gestalte kann, geet et och ëm de positive Wierkungskrees vun Natur a Beweegung op d’kierperlech a mental Gesondheet. D’Participanten entdecken Methoden, déi sech am Alldag ëmsetze loossen, fir eng aktiv an naturno Offer am Jugendarbecht ze fërderen. Anhand vu ganz ville prakteschen Übungen, kréien d’Participanten Ideeen fir Aktivitéiten mat hiere Jonken. Ee weidere wichtege Volet vun der Formatioun ass d’Vernetzung an den Austausch vun de Participanten.
Methoden
kuerz theoretesch Impulser
Gruppenaarbechten
praktesch Emsetzung (dobaussen um Terrain)
Outdoor Kachen
Selbstreflexioun (Eenzelübungen)
Gruppendiskussiounen/ Austausch
Ziele
D’Natur schätzen a respektéieren
De positiven Afloss vun der Natur an der Beweegung verstoe, spieren a kënne weiderginn
Methoden kennen an uwende kënnen, déi déi Jonk nobaussen zitt
intrinsesch Motivatioun fir Naturaktivitéiten entdecken
Aktivitéite kënnen de Participanten upassen (Alter, Erfarung, Interessi)
Risiken vun der Natur kennen an d’Aktivitéit a Sécherheet duerchféieren
Beschreiwung an Umeldung
Beschreibung:
Dës Formatioun riicht sech u jiddereen deen interesséiert ass, Naturerfarungen an inklusiv Aktivitéiten an hirem Alldag ze verankeren. Zesumme gi mir op d’Fro an: Wéi ka Natur als inklusivt Léierfeld genotzt ginn, wou all Kand – onofhängeg vu senge Besoinen – seng Plaz fënnt? Mir kucken, wéi d’Natur mat hieren Entdeckungsméiglechkeeten op eng partizipativ an adaptéierbar Aart agesat ka ginn, fir Diversitéit ze respektéieren an Zesummenhalt ze fërderen. Et gi praktesch Beispiller a Methoden ugebueden, fir och Kanner mat spezifesche Besoinen an naturno Aktivitéiten aktiv ze integréieren – ob am Bësch, Gaart oder op der Spillplaz.
D’Formatioun léisst sech direkt an d’Praxis ëmsetzen a soll Motivatioun ginn, fir inklusiv Naturerfarungen als Ressource fir Wuelbefannen, Entwécklung a Gemeinsamkeet ze notzen.
Methoden
kleng Theorie-Phasen
Gruppenaarbechten (Planung an Emsetzung vun enger kuerzer Aktivitéit)
Eenzelübungen
Praktesch Emsetzung vu Spiller, Übungen a Methoden
Gruppendiskussiounen/ Austausch
Ziele
Ermutegung zur kreativer, niddregschwelleger Offer-Gestaltung mat lokale Mëttelen.
Sensibiliséierung fir d’Bedeitung vun der Natur fir d’Entwécklung vu Kanner (sensoresch, emotional, sozial, motoresch).
Verstoe vun Inklusioun am natierlechen Ëmfeld: Wéi kënne mir d’Natur fir all Kand zougänglech maachen?
Entwéckele vu konkreten Iddien a Methoden, déi och mat Kanner mat spezifesche Besoinen ëmsetzbar sinn.
Selbstreflexioun: Wat sinn eis eegen Hemmungen/Barrièren? Wéi kënne mir se iwwerwannen?