Allgemeng Geschäftsbedéngungen

1. Organisator
D’Aktivitéite ginn organiséiert vum
Kina Thill
Salus Motus
Centre Culturel et Sportif am Lëtschert
L-8711 Boevange-sur-Attert
621 63 79 87
info@samo.lu

D’Aktivitéite fanne statt zu
Tënten „Am Haeleschter“

2. Umeldung
D’Umeldung muss schrëftlech iwwert e Formulaire erfollegen.
Eng Umeldung gëllt als verbindlech.
D’Plaze si limitéiert; d’Reegel „first come, first served“ gëllt.
3. Bezuelung
De Präis steet kloer siichtbar bei der Beschreiwung vun der Aktivitéit, wéi och um Umeldungsformular.
De Montant muss bannent 5 Deeg no der Confirmatioun iwwerwisen ginn.
Am Fall vun Net-Bezuelen behält sech den Organisateur d’Recht vir, d’Plaz un een anere weiderzeginn.
4. Annulatioun / Récktrëtt vum Participant
Bis 7 Deeg virun der Aktivitéit ka gratis annuléiert ginn.
Duerno gëtt 50 % vum Betrag verrechent.
Ouni Ofmellen gëtt kee Remboursement gemaach.
5. Verantwortung & Sécherheet
All Participant muss d’Uweisunge vum Begleeder respektéieren. Bei Verstouss vun de Verhalensregelen hëllt den Organisateur sech d’Recht de Participant vun der Aktivitéit auszeschléissen. D’Participatioun gëtt an dësem Fall net rembourséiert.
D’Participatioun geschitt op eegene Risiko.
Fir Kanneraktivitéite musse legal Vertrieder schrëftlech zoustëmmen.
6. Versécherung
De Participant ass responsabel fir seng eegen Accident- a Responsabilitéitsversécherung.
D’Organisateure kënnen net haftbar gemaach gi bei Accidenter, Verletzungen oder Verloschter.
7. Annulatioun vun der Aktivitéit
Bei Donnerwieder, Stuerm, Stiermschied oder Warnmeldungen desbezüglech behält den Organisateur sech d’Recht fir d’Aktivitéit kuerzfristeg ofzesoen. An dësem Fall gëtt schnellstméiglech en Ersazdatum ugebueden. Reen oder Schnéi (ouni Stuerm, Donnerwieder oder Warnmeldung) bedéngt keng Annulatioun vun der Aktivitéit.
Bei Net-Ereechen vun der Participants-Zuel gëtt d’Annulatioun eng Woch am Viraus ugekënnegt.
8. Fotoen a Medien
Wärend den Aktivitéite kënne vum Organisateur Fotoe gemaach ginn.
Dës kënne fir Publikatiounen (z. B. op Social Media oder Flyer) benotzt ginn.
Wanns du domat net averstane bass, mell dech w.e.g. schrëftlech, virun der Aktivitéit.
9. Informatiounen
Kontrolléiert iech/är Kanner op Zecken no der Aktivitéit.
Wiederugepasste Kleeder sinn e Muss.

Koppelzäit an der Natur

🌿 Zäit fir Iech Zwee – Eng Naturerfarung fir Koppelen

Entdeckt eng speziell Aktivitéit fir Koppelen, déi sech nohalteg wëllen verbonnen a verstanen fillen – am Häerz vun der Natur. Gitt eraus aus dem Alldag a fuert erëm zréck bei Iech selwer – a beieneen.

Wat erwaart Iech?

Aktivitéiten an der fräier Natur, déi zesumme Spaass maachen
Momenter fir roueg Gespréicher an nei Verbindungen
Entspanung an engem gemittleche, wonnerbar natierleche Kader

Dës Erfarung ass fir all Koppel, déi hir Bezéiung verdéiwe wëll – mat Zäit, Rou an Opmierksamkeet.

Datum:

Samschdes, den 12. Juli

vun 10.00 bis 12.00

zu Tënten (Helperknapp)

Präiss:

40€ / Koppel

Mir ginn eis op de Geescht

🌿 Zäit fireneen – eng kreativ Naturerfarung fir Jugendlecher & Elteren

Sidd Dir prett fir eng Auszäit vum Alldag? Entdeckt zesumme mat ärem Kand d’Freed un der Natur – an d’Kraaft vum zesumme Schaffen!

Egal ob Mamm, Papp oder eng aner wichteg Persoun am Liewe vum Kand – dëst ass är Geleeënheet, eppes Besonnesches zesummen z’erliewen!

Wat erwaart Iech?

Gemeinsam schnëtzen, bauen, bastelen – mat Holz, Naturmaterialien a vill Fantasie.
Aktivitéiten an der frëscher Loft, déi Kreativitéit, Teamwork a Spaass verbannen.
Eng gemittlech a lëschteg Ambiance, wou Bezéiunge verdéift ginn an nei Saachen entstinn.

Fir wien?

Jugendlecher tëschent 12 a 16 Joer & eng erwuesse Begleetpersoun

Wéini & Wou?

Dënschdes, den 1te Juli

vu 17.00-19.00

zu Tënten (Helperknapp)

Präiss:

40€

Kannergebuertsdag

E Gebuertsdag voller Naturerliefnisser!

Sichs Du no enger spezieller Iddi fir e Kannergebuertsdag, deen d’Kanner nach laang am Kapp behalen? Da bass Du bei SaMo genee richteg!

Hei feiere mir de Gebuertsdag an der Natur – eppes ganz Besonnesches fir Kanner vu 4 bis 12 Joer. Mat vill Freed um Entdecken, kreatiivt Schaffen an Naturhandwierk ginn d’Kanner op eng Rees duerch d’Natur geschéckt, wou et allerhand Spannendes z’erliewe gëtt.

Wat erwaart d’Kanner?

– pädagogesch Spiller, Entdeckungen an Aktivitéiten an der frëscher Loft
– Kreatiivt Schaffen mat Naturmaterialien
– Naturhandwierk fir selwer eppes mat Heem ze huelen
– Eng Zäit voller Spaass, Fantasie a Beweegung

– Bei spezielle Wënsch bezüglech der Aktivitéit kënnt dir mech gär kontaktéieren

Präiss:

200€ fir 2 Stonnen

Maximum 6 Kanner

Kënnt eng erwuesse Persoun mat Opsichtspflicht mat, kënne maximum 8 Kanner un der Aktivitéit deelhuelen.

Maach aus dengem Gebuertsdag e flott Erliefnis an der Natur, wous du net just Spass hues, mee och eppes léiers an dech fräi entfalte kanns!

Fro elo däi Wonschdatum un – ech freeë mech op dech!