E Gebuertsdag voller Naturerliefnisser!

Sichs Du no enger spezieller Iddi fir e Kannergebuertsdag, deen d’Kanner nach laang am Kapp behalen? Da bass Du bei SaMo genee richteg!

Hei feiere mir de Gebuertsdag an der Natur – eppes ganz Besonnesches fir Kanner vu 4 bis 12 Joer. Mat vill Freed um Entdecken, kreatiivt Schaffen an Naturhandwierk ginn d’Kanner op eng Rees duerch d’Natur geschéckt, wou et allerhand Spannendes z’erliewe gëtt.

Wat erwaart d’Kanner?

– pädagogesch Spiller, Entdeckungen an Aktivitéiten an der frëscher Loft
– Kreatiivt Schaffen mat Naturmaterialien
– Naturhandwierk fir selwer eppes mat Heem ze huelen
– Eng Zäit voller Spaass, Fantasie a Beweegung

– Bei spezielle Wënsch bezüglech der Aktivitéit kënnt dir mech gär kontaktéieren

Präiss:

200€ fir 2 Stonnen

Unzuel u Kanner:

4-6 Joer: Maximum 4 Kanner

Eng Persoun mat Opsichtspflicht ass obligatoresch

7-12 Joer: Maximum 6 Kanner

Kënnt eng erwuesse Persoun mat Opsichtspflicht mat, kënne maximum 8 Kanner un der Aktivitéit deelhuelen.

Maach aus dengem Gebuertsdag e flott Erliefnis an der Natur, wous du net just Spass hues, mee och eppes léiers an dech fräi entfalte kanns!

Fro elo däi Wonschdatum un – ech freeë mech op dech!

Am Bësch gëtt all Bam zum Spillfrënd, all Stéck Holz eng Erausfuerderung, an all Sprong zum klengen Erfolleg! Zesumme gi mir op eng Beweegungsrees duerch de Bësch, mir sprange wéi d’Huesen iwwer d’Wuerzelen, balancéiere wéi d’Kaweechelcher iwwer Bamstämm a krabbelen duerch Äscht wéi de Kéiseker.D’Natur gëtt eise Sportsterrain!Mir notzen dat, wat mir am Bësch fannen, fir eis Kraaft, Gläichgewiicht a Fantasie ze entdecken. Dobäi geet et net ëm Gewannen oder Verléieren, mee ëm Spaass, Zesummenhalt an d’Freed un der Natur an der Beweegung.Tëscht de Spiller huele mir eis och Zäit fir ze lauschteren, ze spieren a déi frësch Loft ze richen, well och Rou an Opmierksamkeet gehéieren zum Bësch.

A Begleedung vun engem Erwuessenen

Wéini?

Donneschdes, de 05. Mäerz 2026

Fir wien?

Kanner vun 4-6 Joer

Präiss:

GRATIS

Wou?:

Am CNF Mirador zu Stengefort

Am Liicht vum Feier, an enger roueger Atmosphär, brénge mir eis mat enger selwergemaachten Uelegluucht e bësse Wäermt an de Schluss vum Wanter. Et entsteet e klengt Liicht, dat Hëtzt, Rou a Fridden ausstraalt. Wärend d’Flamen danzen, bleiwe mir am Moment a spiere wéi gutt et deet, einfach do ze sinn.

E Workshop fir d’Séil ze berouegen, d’Hänn ze beschäftegen an d’Häerz ze wiermen. E klengt Stéck aalt Wëssen a vill Gemittlechkeet fir dës kal Joreszäit.

Wéini?

Dënschdes, den 10. Mäerz 2026

vu 17.30h-19.30h

Fir wien?

Jiddereen ab 16 Joer

Wou?

Zu Useldeng bei der ManuKultura

Präiss:

25€

Mir kachen an iessen zesummen, genéissen déi frësch Loft a spillen dobaussen, mat vill Beweegung, Laachen a Freed. Mir genéissen d’Zäit zesummen als Famill. E Mëtteg fir kleng a grouss Entdecker, fir Familljefreed a vill Spaass am Gréngen!

Wéini?

Samschdes, den 28. Mäerz 2026

vun 11-15 Auer

Fir wien?

Fir Famillen

Wou?

Zu Useldeng bei der ManuKultura

Präiss:

50€ fir max 3 Leit

all weider Persoun 10€ (Kanner ënner 3 si gratis)

Sidd Dir bereet fir eng kleng Auszäit an der Natur, wou Äert Kand d’Welt a sengem eegenen Tempo entdecke kann?

D’Kanner kréien den néidege Raum an e puer kleng Impulser, fir fräi an der Natur ze spillen. Ob beim Erfuersche vu verschiddenen Texturen an der Natur-Schatzkëscht oder beim kreative „Kachen“ an der Bësch-Kichen – d’Kanner decidéiere selwer, wou hir Virwëtz se hiféiert.

Wärend d’Kanner ënner Uleedung an a Sécherheet d’Natur mat all hiere Sënner entdecken, hutt Dir als Elteren d’Geleeënheet fir en entspaanten Austausch. Hei ass Plaz fir Gespréicher, nei Bekanntschaften a fir einfach emol déif duerchzeotmen.

Wéini?

22. Mee 2026

10h-11.30h

Fir wien?

Kanner vun 18 Méint bis 3 Joer

Präiss:

15€

Wou?:

Zu Tënten

Wien ass méi séier? Wie ka sech besser verstoppen? Wie schläicht esou lues wéi d’Réi? Haut trieden Elteren a Kanner souwuel géinteneen, wéi awer virun allem och mateneen un, bei enger Rei klenger, lëschtege Spiller am Bësch, wou d’Natur selwer eis Spillplaz ass! Mir lauschteren, schläichen, sichen, sprangen a laachen, a benotzen dat, wat mir am Bësch fannen: Äscht, Blieder, Steng, Fantasie an eng Portioun Teamgeescht. Bei all Challenge geet et net drëm ze gewannen, mee zesumme Spaass ze hunn, de Bësch ze erliewen an als Famill flott Momenter ze verbréngen. Um Enn si mir all Gewënner, mat roude Baken, engem grousse Laachen an engem Häerz voll Natur

Wéini?

Samschdes, den 06. Juni 2026

vu 14-17 Auer

Fir wien?

Fir Famille mat Kanner ab 4 Joer

Wou?

Am CNF Mirador zu Stengefort

Präiss:

GRATIS

Zäit fireneen – eng kreativ Naturerfarung fir Jugendlecher & Elteren
Sidd Dir prett fir eng Auszäit vum Alldag? Entdeckt zesumme mat ärem Kand d’Freed un der Natur – an d’Kraaft vum zesumme Schaffen!
Egal ob Mamm, Papp oder eng aner wichteg Persoun am Liewe vum Jonken – dëst ass är Geleeënheet, eppes Besonnesches zesummen z’erliewen!
Wat erwaart Iech?
Gemeinsam schnëtzen, bauen, bastelen – mat Holz, Naturmaterialien a vill Fantasie.
Aktivitéiten an der frëscher Loft, déi Kreativitéit, Teamwork a Spaass verbannen.
Eng gemittlech a lëschteg Ambiance, wou Bezéiunge verdéift ginn an nei Saachen entstinn.
Fir wien?
Jugendlecher tëschent 12 a 16 Joer & eng erwuesse Begleetpersoun

Präiss

40€ fir 2 Stonnen

🌿 Zäit fir Iech Zwee – Eng Naturerfarung fir Koppelen

Entdeckt eng speziell Aktivitéit fir Koppelen, déi sech nohalteg wëllen verbonnen a verstanen fillen – am Häerz vun der Natur. Gitt eraus aus dem Alldag a fuert erëm zréck bei Iech selwer – a beieneen.

Wat erwaart Iech?

• Aktivitéiten an der fräier Natur, déi zesumme Spaass maachen
• Momenter fir roueg Gespréicher an nei Verbindungen
• Entspanung an engem gemittleche, wonnerbar natierleche Kader

Dës Erfarung ass fir all Koppel, déi hir Bezéiung verdéiwe wëll – mat Zäit, Rou an Opmierksamkeet.

Präiss:

40€ / Koppel fir 2 Stonnen