Aktivitéitskalenner
Hei fënns du all d’Aktivitéiten.
Du kanns dech awer och gär melle fir eng personaliséiert Ufro vun enger Aktivitéit
Kannergebuertsdag🎈
En entspaanten, entdeckungsräiche, spannende Gebuertsdag mat denge Frënn an der Natur
Datum: Op Ufro
Méi Infos
E Gebuertsdag voller Naturerliefnisser!
Sichs Du no enger spezieller Iddi fir e Kannergebuertsdag, deen d’Kanner nach laang am Kapp behalen? Da bass Du bei SaMo genee richteg!
Hei feiere mir de Gebuertsdag an der Natur – eppes ganz Besonnesches fir Kanner vu 4 bis 12 Joer. Mat vill Freed um Entdecken, kreatiivt Schaffen an Naturhandwierk ginn d’Kanner op eng Rees duerch d’Natur geschéckt, wou et allerhand Spannendes z’erliewe gëtt.
Wat erwaart d’Kanner?
– pädagogesch Spiller, Entdeckungen an Aktivitéiten an der frëscher Loft
– Kreatiivt Schaffen mat Naturmaterialien
– Naturhandwierk fir selwer eppes mat Heem ze huelen
– Eng Zäit voller Spaass, Fantasie a Beweegung
– Bei spezielle Wënsch bezüglech der Aktivitéit kënnt dir mech gär kontaktéieren
Präiss:
200€ fir 2 Stonnen
Unzuel u Kanner:
4-6 Joer: Maximum 4 Kanner
Eng Persoun mat Opsichtspflicht ass obligatoresch
7-12 Joer: Maximum 6 Kanner
Kënnt eng erwuesse Persoun mat Opsichtspflicht mat, kënne maximum 8 Kanner un der Aktivitéit deelhuelen.
Maach aus dengem Gebuertsdag e flott Erliefnis an der Natur, wous du net just Spass hues, mee och eppes léiers an dech fräi entfalte kanns!
Fro elo däi Wonschdatum un – ech freeë mech op dech!
Ufro
Koppelzäit an der Natur🫶
Zäit zu zwee, an enger entspaanter Atmosphär, ouni Stress, an engem sechere Kader
Datum: 12.07.2025
10.00-12.00
Méi Infos
🌿 Zäit fir Iech Zwee – Eng Naturerfarung fir Koppelen
Entdeckt eng speziell Aktivitéit fir Koppelen, déi sech nohalteg wëllen verbonnen a verstanen fillen – am Häerz vun der Natur. Gitt eraus aus dem Alldag a fuert erëm zréck bei Iech selwer – a beieneen.
Wat erwaart Iech?
- Aktivitéiten an der fräier Natur, déi zesumme Spaass maachen
- Momenter fir roueg Gespréicher an nei Verbindungen
- Entspanung an engem gemittleche, wonnerbar natierleche Kader
Dës Erfarung ass fir all Koppel, déi hir Bezéiung verdéiwe wëll – mat Zäit, Rou an Opmierksamkeet.
Datum:
Samschdes, den 12. Juli
vun 10.00 bis 12.00
zu Tënten (Helperknapp)
Präiss:
40€ / Koppel
Umeldung
Entdeckungen, Beweegung a Spaass
Een Nomëtten am Bësch, mat Spiller Entdeckungen, Kreativitéit a Spaass
Datum: 18.07.2025
14.00-17.00
Méi Infos
Wëllkomm an der Bëschwelt – Eng Aktivitéit fir Entdecker! 🌿
Bass du tëschent 8 an 12 Joer an hues Loscht op Abenteuer an der Natur? Da komm mat an de Bësch fir 3 spannend Stonnen, wou’s de spilleresch léiers, bastels an deng Sënner erwächen däerfs!
Wat erwaart dech?
D’Natur entdecken
Kreativt Bastelen mat natierlechem Material
Mat alle Sënner erliewen
Schnëtzen a kleng Holzprojeten
Spaass a Gruppespiller
D’Aktivitéiten ginn dem Wieder an dem Interessi vun de Kanner ugepasst
Datum:
18. Juli 2025
14-17 Auer
Präiss:
30€ pro Kand
Umeldung
Bëschrou – eng gedankefräi Owendpaus
Eng Paus am Bësch fir zur Rou ze kommen
Datum: 01.08.2025
17.30-19.30
Méi Infos
Freides owes, wann d’Woch hannert eis läit, treffe mir eis am Bësch fir zur Rou ze kommen. BëschRou ass eng Aktivitéit fir Erwuessener, déi sech eng bewosst Paus wëllen huelen – wäit ewech vum Alldagsstress.
Wat erwaart Iech?
Zesumme maachen mir einfach Übunge fir de Kapp ofzeschalten, lauschteren op d’Stëmm vum Bësch a seng Vullen, beweegen eis mat rouege Schrëtt duerch d’Natur an huelen eis Zäit fir kleng praktesch Aktivitéiten, wéi Schnëtzen, déi d’Hänn beschäftegen an de Geescht berouegen.
Et geet net dorëms eppes ze erreechen, mä ëm einfach do ze sinn – an engem geschützte Raum, wou jidderee kann ukommen an neien Otem fannen.
Fir wien?
Fir all Erwuessener, déi sech no Rou, Natur a bewosstem Entspanen spieren.
Wéini & Wou?
Freides, den 1ten August
vu 17.30-19.30
zu Tënten (Helperknapp)
Präiss
20€
